رواية انت البارود وانا النار الفصل السادس والاربعون بقلم شمس

            ﷽

﴿وَلَسَوْفَ يُعْطِيكَ رَبُّكَ فَتَرْضَىٰ﴾

وبشعر جنوبي يمامه تكول لضرغام §

اريـد وياك اعيش العمر مرتاح

واريـدك دوم ماتزعل عليه؟

واريـدك بلشدايد توكف وياي

واريـد تصير ضحكتنه سويه،

واريـدك ماتحب بلدنيا مخلوق

ويضل محجوز حبك اليه،،!

───── ⋆⋅????⋅⋆ ─────

يمامه 

وانصدم بـ الشيوخ الي جايه النه؟ 

وجيتهم مو ع خير ظاهر استقبلهم ضرغام ودخلو بديوان وسمعتهم يكولون 

جبير الشيوخ: شيخ ضرغام إحنا ما جيناك ضيوف اليوم جيناك أهل كلمة وعندنا حچي لازم ينحچي بوجهك ولازم تحترم قرارنه انـت لازم

رد عليهم ضرغام 

ضرغام: حيّ الله الشيوخ الله أهل الطيب تفضّلوا الديوان ديوانكم والبيت بيتكم

تبادلوا السلام وياه ودخلهم للديوان گعد بمكانه ضرغام وباقي الشيوخ گعدوا يمّه ووالباب مفتوح اوشوفهم من بعيد وخرت ورجعت بالمرر اسمع اصواتهم وشيردون؟ 

ضرغام: ﺣياكم الله تفضّلوا خير إن شاء الله

شنو اللي جابكم بهيج وقت كون سالفه تسوه 

كبير الشيوخ: يا ضرغام إنتَ تعرف إحنا ما ندخل بيتك إلا بالخير ولا نجي لديوانك حتى نحجي بشي مايعجبڪ بس أكو سالفة طالت ولازم إلها حل

ضرغام: انـا سامعكم احچوا

كبير الشيوخ: مرتك طلعت من بيتك وغابت شهرين والناس ما قصّرت بالحچي. وإنتَ مو رجل عادي حتى نكول هذي سالفة عائلية وتنتهي. 

إنتَ شيخ، واسمك مرتبط باسم عشيرتك 

ومرتك إلها مكانة من مكانتك.

ضرغام: أي وشنهي المطلوب مني يعني؟ 

كلهم حجو نفس الحجايه

_ يعني مفروض منك طلكها

_أي جا لازم يطلگها مو هين

كبير الشيوخ: سمعت عشيرتك شتكول نريدك طلگها وتنتهي السالفة بستر هي طلعت من بيتك وإنتَ ما يصير تبقى بهالوضع يا تحافظ على مكانتك كشيخ يا تترك المشيخة إذا تريد تبقيها مرتك 

ما يصير تبقى شيخ ومرتك نزلت راسك بوجه الناس وكل واحد يحچي على كيفه

سمعت صوت ضرغام صار عالي 

ضرغام: ومنو إنت حتى تجي لبيتي وتگلي طلگ مرتك؟!هااااااااااا منووووووو

تغيرت وجوه الرجال وكبير الشيوخ رفع إيده يريد يهدي الوضع بس ضرغام ماسگت

ضرغام: لا عمي خليني أكمل إنتو دخلتوا بيتي

وأنا استقبلتكم وگلت الديوان ديوانكم احترمت شيبتكم ومكانتكم، بس لا تحسبون احترامي إلكم يعني أقبل أي حچي ينراد ينحط على راسي ولاتنسون انـا شيخكم مو انتووووو

واحد منهم حجه 

_ ع ڪيفكم لايعثركم ترا هذا البخت وضرغام شيخنا

شيخ: محد يريد ينزل من مكانتك ابني 

بس مرتك طلعت من بيتك وهاي سالفة ما تليق بشيخ

ضرغام: وإنت منين عرفت شنو اللي صار ببيتي سمعتوا حجي.قيل وقال عبالك انت شيخ وجاي تحاسبني 

premium

سكتوا بس الشيخ اللي يم كبيرهم رد بنبرة مستفزّة

الشيخ: مهما جان السبب، مرت الشيخ ما يصير تشرد من بيتها وإذا ما گدرت تسيطر على بيتك، شلون تريد تضبط العشيرة

ضرغام: احچي عدددددددلللللل مو مدرسك خيون جلب وجاي عليه

ڪلهم صارو ضد ضرغام وكلهم يحجون عني بعد شويه ويكولون عني ناهبه علت اصواتهم ضرغام بس يستغفر ڪساع وصاح استغفرااااالله 

عفت كلشي وعفت جهالي. صعدت فوگ لبست عبايتي وحجابي ونگبت وجهي وڪلت أليوم انـا ادخل واراويهم الناهبه شلـون 

نزلت ودكيت الباب وفتحت ودخلت بنصهم

يمامه: السلام عليكم 

ماكدرت اباوع ضرغام لان اذا باوعتله معناها ماڪدر اسوي شي ف اعتبره ماموجود

باوعت لشيخ جاي يجيب اسمي بشي مو زين وڪتله

يمامه: ماتعرف تسولف انـت وتذمني وانـا مرت ألشيخ

والحجي العوج انـا اعدله انتو كلكم اهز ديوانڪم

واوكف بوجهكم واكولن انـا مرت ألشيخ ضرغام 

الشيخ: انتبهي لحچيچ 

يمامه: ارجع واڪلكم انـا مرت الشيخ ضرغام واللي ما يعرف يحچي بميزان انـا أعدل حچيه وأعلّمه شلون يوزن كلمته قبل لا يحجيها ألي

الشيخ: إحنا نحچي على المشيخة مو عليچ

يمامة: لا دور الحچي منن جبت اسمي وگلت مرت الشيخ ما يصير تشرد انت حچيت عليّ انـا مو على المشيخة!

وإذا إنت ما تعرف تفرّق بين النصيحة والتجاوز انـا أگلك الفرق!

يمامة: هذا ديوان رجلي وشيخكم وإحنا نعرف أصوله، ونعرف شلون تنحچي الكلمة بيه. بس لا تتصورون لأن انـا مره أوكف ورا الباب وأخليكم تقررون مصيري والله لو كل الشيوخ تتجمع، أوكف بوجهكم وأگولها بصوت يسمعه آخر واحد بيكم انـا مرت الشيخ ضرغام مرت شيخكم الي يسوه العشيره 

كلها صاحب البخت وحجي من يمكم لاتسطرون 

العوائل كلشي يصير بيها وانـا ماشردت لاتلفقون حجي على ناس خافو الله مو على نفسكم محامي وعلى غيركم لا اوزون كلامكم عدل ياشيوخ ديره 

وضرغام يضل شيخ ورافع راسه دوم 

من خلصت حچي مالتي، عدّلت عبايتي على كتفي ولا درت وجهي على الشيوخ واحد واحد ولا نزلت عيني ولاخفت 

_هسه اترخص منڪم

طلعت وسديت الباب بس ضليت اسمعهم

- وإنت راضي بهالحچي مرة تگوم بوجه شيوخ وتعلّي صوتهاوإنت گاعد تسمع

ضرغام: وانته ترضه انـا اكعد بيتك واحجي ع عرضك؟ 

عفتهم لان سمعت اصوات احنه نترخص يالله ركضت الغرفه طلعو بالحديقه وراحو ضل بس شيخ واحد ومبين من جماعه ضرغام ضلو يحجون واسمعه يكله

الشيخ: عود طلعو زعلانين

ضرغام: خلهم تعبوني والله كافي

الشيخ: ابوك الله يرحمه چان اخوي مو صاحبي وانته مثله سبع 

سكت ضرغام وڪله.

الشيخ: هنيالها الشيخه ع هيچ زلمه يحبها مستعد تعوف ألشيخه ومستعد تسوي كلشي علمودها

ضرغام: شيخ اعوفها علمود مرتي بس أنا مانطي ألشيخ خيون وهوه موخوش ادمي ولانسبه لشيخه 

رحت وعفتهم من راح الشيخ يطلع وكفو بالباب يكملون حجي وڪعدت يم جهالي حياه بجت خليتها بحضني واهز بيها بعدين سڪتت دخل ضرغام 

شافني جاي اهز بحياه وجاي تغفه

ضرغام: ها نامو

يمامه: همه هاي نومتهم يخلصونها نوم حته بليل يكعدوني

ضرغام: جا هستوها جانت نايمه حياه 

يمامه: بعد مايعرفون شي حاليا بس رضاعه ونوم

شال إيـهاب وضل يفتر بي ونومتهم لان صار الغروب وهمه نومتهم هيج

ضرغام: تعالي.

رفعت عيوني عليه.

يمامة: ووين؟

ضرغام: فوگ.

يمامة: شنو تريد مني

التفت إليّ وباوعلي ونظرته صارت أثگل

ضرغام: عندي حچي وياچ.

حسّيت بطني مغصتنيي

يمامة: والحچي ما ينحچى هنا اله فوك

ضرغام: اي خلي جهال نايمين وتعاي وراي 

صعد فوك غطيت جهال ضلو بغرفه بيبيتهم 

يمامه: تفضل شيخ ضرغام 

ضرغام: شلون دخلتي الشيوخ؟

بقيت أباوعله، ما فهمت وين يريد يوصل.

يمامة: شنو يعني شلون دخلته برجلـي جا بيمن

ضرغام: يعني شلون تروحين تدخلين الشيوخ وانـا موجود 

يمامه: دخلت برجليه مو ڪتلك

سكت لحظة، وبعدين رفع حاجبه.

ضرغام: ها، صايرة ما تخافين منّي

يمامة: وليش أخاف منك

ضرغام: يعني انـا صرت ما أنحسب حسابي شگد چنتي تحسبين حساب قبل لا تحچين هسه صرتي توكفين بوجهي وتجاوبيني بهالطريقة

يمامة: لا تحوّل الحچي على هيبتك يا ضرغام.

إنت شيخ، وعندك رجال تسمع كلمتك، والناس من تشوفك تگوم من مكانها. شتريد بعد؟ 

تريد حتى انـا أرتجف من أشوفك؟

ضرغام:انـا ما گلتلچ رجفي بس أكو أصول وأكو أمور ما تصير من وراي.

يمامة: والأصول اللي تحچي عنها، تشتغل من طرف واحد؟ 

انـا لازم أحسب حساب كل كلمة وخطوة وإنت تسوي اللي تريده، ومن أعترض أصير قليلة أصل

فتح عيونه عليه ضاهر الحچي ما عجبه

ضرغام: ديري بالج على حچيچ

يمامة: جا أحچي عدل

ضرغام: يمااامه

يمامة: ههـا

ضرغام: لا تخلّيني أوصل وياچ للحچي اللي ما يعجبچ زين؟ 

يمامه: تمـام

ادنه يمي وانـا حاول ابتعد عنه وبسـاع سحبني وطوقني وصرت قريبه عليه وخلاني بين اديه

ضرغام: يـمام سـؤال وأريدچ تجاوبيني بصراحه

گلبي دك بسرعه

يمامة: شنو؟

ضرغام: من طلعتي چنتِ تنتظرين انـا جي أدور عليچ، لو فعلاً قررتي تنسين إنّه أكو رجال اسمه ضرغام بحياتچ

يمامة: وليش تريد تعرف؟

ضرغام: لأن سألتچ

يمامة: مو كل سؤال إله جواب يرضيك يا شيخ

ضرغام: انـا ما طلبت منچ جواب يرضيني طلبت الصدگ.

يمامة: والصدگ شراح يفيدك؟

ضرغام: هذا شي يخصني، جاوبيني 

يمامه: ماجاوب شـيخ حير بروحك انـا اريد انزل يم جهالـي

ضرغام: بس انـا بعدني ماخلصت حجي

يمامه:انـا خلصت

دفعته ونزلت رڪاض ونزل وراي ضرغام طلع يجيب خبـز وانـا ضليت اسوي ألعشه

كعدنا نتعشه وحياه بيدي وايهاب بحضن ابـو لان ثنينهم يبجون 

حسيت ضرغام مامرتاح بكعدته لان ايهاب بس يتحرك وانـا حياه بيدي مادري شسوي

يمامه: اذا ماتكدر انطيني يـاه

ضرغام: حياه بيدج بويه ويـن تڪدرين

خلصنا ألعشه بس بالكوه والله تعشينه الجهال وتوم مسؤليه صعبه فتحتهم وخليتهم بالڪـا؏ واحاول اسكتهم وانطيهم العاب بيهن صـوت شويه ودخل ضرغام 

ضرغام: ها شنو هل كعده بنص الليل بعدهم

يمامة: كعده خاص.

ضرغام: خاص ومنو سمح إلكم تسوّون كعده بهالوقت ولسه مانايمين

يمامة: انـاا مّهم وبگيفي

ابتسم بطرف حلگه، ودخل وسد الباب وراه

ضرغام: زين، وأبوهم ما إله صلاحية

يمامة: أبوهم إذا يريد يدخل، يدگ الباب بالأول

ضرغام: ببيتي أدگ الباب

يمامة: اي

ظل يباوعلي ثواني، وبعدين هز راسه وهو يضحك بخفة

ضرغام: والله لسانچ ما شاء الله صاير

يمامة: الحمد لله، نعمة من الله

ضرغام: ليش بعدكم نايمين ياروحي

يمامه: انـا اريد اعملهم ع السهر جهالي وبكيفي

ضرغام: زين، خوش تربية

مد إيده وشال إيهاب وحضنه لصدره، وبدا يهزّه بهدوء

ضرغام: تعال لأبوك شيخ تعال يا بعد روح أبوك

إيهاب حرّك راسه ويلعب وفاتح حلڪه

بقيت أباوعلهم ڪمت طفيت الكلوب حته انومهم احاول انوم بحياه اول

يمامة: يمّه فدوة لعيونچ، شبيچ بعد حليبچ شربتيه وحضنتچ، وهزّيتچ شتريدين بعد يا روحي يله نامي جا شوكت تناميننن 

ضرغام ضحك من يمّي وهو يشوفني أحاول وياها وايهاب بحضنه ساڪت 

ضرغام: شكلها ما مقتنعة بحچيچ

يمامة: إي هيه الدنيا هم حضوض

انطيته حياه ونام ع جربايه نومها ع صدره ويحرك بيها ويكلها اشش أششش وفعلا شويه شويه نامت ونومها وانـا اهز ب إيهاب وضليت ارضع بي واهززز بساع نام

غطيتهم وكمت

ضرغام: تعالي بويه

يمامه: ويـن

ضرغام: أصالح مرتي لو شنهي ممنوع

يمامة: إنت من تبتسم هيچ، أعرف وراك سالفة.

ضرغام: إي والله، وراي سالفة تعااي

فتح الباب واخذني غرفه ايـه

يمامه: شنسوي هنـا شتريد نضف الغرفه؟ 

ضرغام: مشتاق لمرتي 

دخلنه وسد البـاب وانـا يشوفني ويشوف رجفتي يڪول اول ليله الي ويوم ليله عرسي 

ضرغام: يمامة؟

يمامة: شتريد

ضرغام: أحبچ

يمامة: لا تحچيلي حچي حلو إذا باچر راح تنساه

ضرغام كض ايدي وحطها على صدره

ضرغام: خلي الحكم للأيام، مو للحچي.انـا ما أطلب منچ تصدگيني الليله بس خلّيني أثبتلچ شلون أحبچ

اريد اطلع مايخليني

يمامه:اريد انـام يم جهال

ضرغام: زعلانـه مني 

يمامه: أي وكلش وهواي

ضرغام: بس انـا مشتاقتلج من شوكت انتي ماتشتاكين الي 

يمامه: منو كال مامشتاقتلك؟ 

ضرغام: يله براحتج يجوز ماترديني بعد؟ 

يمامه: مشتاقتلك ولعبـاس ابو فاضل 

اخذ وجهي بين اديه وباسنييي بوسته تبين مده اشتياقه الـي

ضرغام: أسف ع ڪلشي

يمامه: امممم

ضرغام: مشتاكلج

يمامه: امممم

باسني من راسي اكثر من مره

واخذ اديه باسهن اكثر من مره 

ضرغام: اسف 

يمامه: إنت شلون تعرف تحچي هيچ من تريد تراضيني؟

ضحك 

ضرغام: يعني الحچي عجبچ

يمامة: ما گلت هيچ

قاطعني وخله ايده ع حلڪي

ضرغام: أسسس 

ضليت ساكته وڪلبي راح يوكف 

ضرغام: أگدر أبوس.... 

يمامه: من شوكت تستأذن

ضرغام: هم صدك شنهي انـا الشيخ واستاذن 

دتعـاي اخذني اله وبينه حضنه وكلما قرّبني لصدره، گلبي يدگ حيل باس راسي وخدّي أكثر من مرّة وانـا من الخجل چنت أضم وجهي بصدره، بس هو يرفع وجهي حتى يشوفني لمسته چانت تخلّيني أرجف واستحي

يهمس بأسمي بهل صوت 

ما چنت متعوّدة على هالقرب منه، ولا على لمسات صار شڪد مبتعده عنه لان سنه كامله بس اليوم ضرغام خلاني أنسى شنو چنت أريد أعاتبه عليه حطّيت إيدي على صدره، أريد أبعده شويّة، بس من باوعت بعيونه وشفت الحنية بيهن والاشتياق ويريدني ما گدرت اكوم

همستله بخجل

يمامه: ضرغام، لا تباوعلي هيج استحي

ابتسم وباسني فغمّضت عيوني وسلمت امري الـه 

مادري شلون بس نسينه اروحتنا وضلينه غافين بغرفه ايـه وجهال وحدهم ضالين

فزيت ب4الفجر مخترعه بساع وخرت وركضت جهالي لڪيتهم نايمين الحمدلله 

فتحت باب غرفتنه ورحت يم ضرغام 

غرفه ايـه اصلا هيه بصف غرفه ضرغام 

عفت البيبان مفتوحه حته نسمع أصواتهم

لان ضرغام مايقبل يحضني ويسوي أي شي كدامهم من هسهه وكلش عجبني تصرفه. 

رجعت يمه وهوه مايدري شمرت روحي ع جربايه اريد ارجع احضنه فز مخترع كوه كض روحه ماسطرني راجدي جرني من شعري ونومني بحضنه

ضرغام: نامي لا بالعباس اكتلج

يمامه: ضرغام 

ضرغام: ها

يمامه: ضرغام 

ضرغام: والله ابتلينا

يمامه: ااااه؟ 

سكت وخنكنييي وحضني حيل وانـا هم حضنته حيللللل ونمت براحه

فزيت الصبح حسّيت إيد ضرغام محاوطتني، 

وراسه قريب من راسي. تذكرت اللي صار البارحة، فحسّيت وجهي وڪلبي خجلن ، وبقيت ساكتة أخاف احترك ويباوعلي

بس هو چان ڪاعد اصلا، وحسّ بيّه من احاول اشرد من حضنه بدون ماباوع اله

ضرغام: ها شني شمالج

يمامه: مااكو شي اريدن اكومن جهال 

كمت بساع واجه وراي هوه شلت ايهاب غسلت اله ونوب حياه وبدلنا ونزلنـا 

خليتهم يمه ورحت سويت ريوك وتريڪنا.

نايمين ع الزوليه وانـا وضرغام بالڪاع ونتريگ

يمامه: اكلك

ضرغام: ها

يمامه: اريد اروح اشوفن حجيه وحجي ماعرف اخبارهم 

ضرغام:أنشـالله صار اذا صارلي فراغ اوديج

يمامه: فدوه والله طاك كلبي عليهم واريدن يشوفون جهال

ضرغام: جا ماعدهم شي تتصلين عليهم

يمامه: لا بس عندي رقم عمي مسلم اتصل مايردون وبالي يمهم خاف زعلانين مني

ضرغام: سهلة بويـه. 

طلع ضرغام لديوان ومارجع منا لظهر 

وانـا بين جهالي والبيت گلش متعبيني گلش. 

تغدينا وخلصنه

ضرغام: انـا راح انامن جوه بديوانيه ماكدر راسي كلش وجهال يبجون

يمامه: ماشي

صعدت وعفته يرتاح ونومتهم وڪل مايڪبرون يتعبوني بزايـد وراح يصير عمرهم4أشهـر بس وهوه الواحد يتعب شحال ثنين. 

نومتهم وغطيتهم وبدلت ونزلت ارڪض يم ضرغام انامن يمه 

دخلت ولكيته نايم وداير وجهه واليدوانيه ظلمه والسبلت بارد. 

رفعت الغطه ونمت وره حضنته من ظهره وهوه خطيه غافي مايدري 

شويه وگمت لان بالي يم جهالي 

منا للعصر بدل ضرغام وگلي بدلي ل إيهاب 

لبسته دشداشه صغيره صار يسبح بيه شاله ضرغام وهوه لابس عگاله وعبايته

يمامه: محروس بعين رحمن حبيبي دير بالك على روحك 

ضرغام: صار حبيبتي 

اخذ أيـهاب شايله وراح ضليت انـا وحياه

استغليت وضع لان ايهاب ماكو كملت كلشي وسوي ألعشه منا للمغرب يله خلصت 

رجع ضرغام شايل ايهاب ويكول

ضرغام: هذا من بعدي الشيخخخخخخ

يمامه: ها شني وضع

ضرغام: والله معدل انـا جبت هيج واحد

يمامه: أممم

ضرغام: ها ولج مو بعينج

يمامه: يله غسل وبدل وتـعال حته نتعشه

غسل وكمل وتعشينه 

ضرغام: يمامه 

يمامه: أجيت 

ضرغام: حضري هدومج وهدوم جهال؟ 

يمامه: شنـو وين رايحين؟ 

ضرغام: حضري وبعدين اڪلج

يمامه: رايحين لبيت عمي مسلم؟ 

ضرغام: چو

يمامه: جا وين؟ 

ضرغام: طلبيني زيـاره حته أراضيج

يمامه: زززياره؟ 

ضرغام: أأي ونطلع هسه نضل جم يوم ونرجع يله بويه لاتعطلينه حضري جم هدمه 

والله بهاللحظة حسّيت فرحتي أكبر من الزيارة نفسها مو لأن راح أطلع وأغيّر جو، لا لأن هو بنفسه فكّر بيّه ويريد ياخذني وياه وانـا وجهالي ماكدرر اوصف شعوري 

يمامة: أحبك!

طلعت مني بسرعة، حتى انـا استحيت من نفسي وهو ظل يباوعلي مبتسم

ضرغام: تعالي أعيديها ما سمعت

يمامه: أحبك ابو جهالي

ضرغام؛ بطلنا نضل بالغرفه مانروح

ضحڪت وحضرت اول شي اغراض جهالي وكم لبسه وانـا وضرغام جنطه وحد صعدهن بسياره وبدل 

وانـا بدلت ولبست عبايتي شاف حلڪي بي حمره 

ضرغام: تمسحيها لو امسحها بطريقتي

يمامه: ضرغام من مساع حته راح تروح شبي

ماخلاني اكمل حجي 

وباسني ومسحها كلها ونوب مسحها ب ايده وجهي وخدي صار كله حمره

ضرغام: روحي غسلي مره ثانيه وبدلي بساع انـا انتضرج جوه يم جهال. 

صعدت وانـا أتااافففف مسحت وجهي ورطبت وجهي ونزلت

رڪبنا بسياره وانا كعدت وره لان ماكدر اصير بالصدر

عندي چـانت مال جهال تنومينه عليه ويضل. بيها مثل حاضنه

خليت حياه وإيهاب بحضـني وساعه اغير وضرغام عينه ع طريق ويسوق بحذر انـا مانمت ولاغمضت عيني لان جهالي ماكدر اعوفهم 

من وصلنه للزيارة، چنت حاسّة روحي طلعت من تعب الطريق كله، ظهري يوجعني من الكعدة ورجلي من ذاك الزود ما بيهن حيل والجهال ماخذين حيلي 

ضرغام نزل من السيارة بعد ماصفها بالڪراج وبسياره عدّل عگاله ونزل فتح الباب سياره الي

ضرغام: ها يمامة ماتنزلين

يمامة: ضرغام تعبتتتتت جهالك تعبوني اخذهم 

باوعلي من طرف عينه وضحك

اخذ حياه مني شالها وانا شلت إيهاب 

مشينه ندور فندق والشوارع بيها حركة مو طبيعية سيارات رايحة وسيارات جاية ولاعبالك دنيا فجـر ناس تمشي وازدحام 

وصلنه فندق قريب الامام حته مانتعب

ضرغام: يلا تعاي خل نشوف الغرف شلونهن 

دخلنه انـاويا وهوه شايل بته بايده ويمشي گدامي رجال گاعد ابو فندق رفع راسه من شافنه

موظف الاستقبال: 

أهلاً وسهلاً حياكم الله.

ضرغام: الله يحييك عدكم غرفة للعائلة

الموظف: إي عيني، عدنا. تريدها ليلة لو أكثر

ضرغام: حسب الظروف هسه نريد نشوف الغرفة أول

دخلنا للغرفه جانت نضيفه وام نفرين

همزين انـا جايبه منادر مال اطفال جهالي بالڪاع

وهيه هم غرفه نضيفه وفندق يعني معروف وفخم هـم

بيها ميز ومرايـه دخل ضرغام غراض وقفل الباب خليت ايهاب وحياه ع جربايه لان احسن ظهري نفصم بالـنص

ضرغام: ها شنسوي هسه نام

يمامه: اي دنيا فجر بس ڪلش تعبانه وهذول متعبيني هزهم بلكي ينامون عفيه

اخذ حياه وهم الحمدلله بسرعه غفت

رضعت أيـهاب وهم غفه نومتهم 

ونمنه انـا وضرغام من تعب هوه هم خطيه تعب من السياقه

يمامه: ضرغام 

ضرغام:أمممم

يمامه:شڪرا 

بسته من خده وحضنته ونمت. 

ڪعدنا صبح نزل ضرغام جايب ريوك وتريڪنا وشال ايهاب وانـا حياه ورحنه للامام اخذ ايهاب بقه بس حياه

وڪلي دخلين تزورين وطلعين بهل مجان طلعي اخذي تلفون وتصلي علية

اول مارحت الامام الحـسين عليه السلام 

وخليت حياه بالڪاع وانا اقره زياره وفرحانه انـا وهاي بتي وحدنا بالامام منو يشوفها بالڪاع حجيات يبوسنها من يصلن 

شلتها وڪمت شافتها وحده

الحجيه: يمه فدوه عبالك لعابه شهل للعيون 

ابتسمت الها بس ورحت دخلت الامام وزرت وزورت حياه وطلعـنا ولڪيت ضرغام ينتضرني وشايل ايهاب 

رحت يمه باسني من راسي

ضرغام: زياره مقبوله زايره

يمامه: الله يتقبل شيخ 

رحنه للامام العـباس وڪذالك هم نفس شي زرنه وقريت زياره

فرني ضرغام بسوك وذڪرت حجيه عنب الي بالي يمها وماعرف اي شي عنها انشالله بس نرجع اروحلهم 

والله أنا هم هواي دعيت الهم 

شتريت الها شيله ومحبس شذره ازرك

وشتريت عمي مسلم هم محبس وسبحه ودشداشه.

وتعبنا وجهال تعبونا رجعنه للفندق

ضلـينه ٤ايام من احلا ايـام عيشتها بحياتي ڪلها واحلا شي انـا وضرغام رجعتت علاقتنا وقوه. 

اخر يوم اخذني ضرغام للنهر العلكمي بكربلاء، حسّيت المكان كله غير شكل. الناس رايحة وجاية عوائل متجمعة، أطفال يركضون وأصوات الحچي والضحك بكل مكان الهوا جاي من جهة الماي والناس متوزعين على الجوانب، كل عائلة گاعدة بمكان وأكو اللي يتمشى ويصوّر، وأكو كاعد هوه وبته هوه وابنه وڪلشي

اول مادخلنا انـا وضرغام حسيت ڪل ناس ضلت تباوع النه وتركز بينه

لأن أكو شي غلط بس هيبته ولبسه وطريقته بالمشي تخلي الواحد ينتبه إله وخصوصاً من يشوفه شايل بنية صغيرة وتشبهه بعيونه الخضر

ڪعدنا انـا وضرغام وعبرت من يمنه حجيه وياها بنيه شابه باست جهالي وصلت ع محمد وآل محمد 

الحجيّة دعتلنه وبعدين راحت ويا البنية اللي وياها، وهي كل شويّة تلتفت تباوعلنا وتبتسم البنيه 

يمامه: كوم شيخ 

ضرغام: ها؟ 

يمامه: انـا حبيتك من عطرك وعيونك ف يله ورانا طريق

وصدك رجعتهه ضجت عيون بنات عليه 

منا لليل ودعنه ڪربلاء ماكدرنا نروح لنجف

جهال تعب ولااڪدر اروح لمقبره وعندي ثنين

لازرت ابوي ولا امي ولا مسـره

بس يڪفي أنا ماناسيتهم وادعي الله يغفر اعمالهم. 

رچعنـا واصريت ع ضرغام اروح اشوف الحجيه وڪلي صبريلي يومين لان جنت ماموجود وشيوخ تريدني 

وفعلا ثاني يوم العصر ڪلي امشي علمود نتعشه عدهم

فرحت وبدلت واخذت صوغتهم ورحت

وانـا ڪلبي يدك وفرحانه شلون راح يڪون لقاء

وصلنا وشلت حياه وضرغام وراي دكينه الباب 

انفتح الباب وطلعت حجيّة عنب.

يا الله والله لو ما أعرف ملامحها جان ما عرفتها.

وجهها ذابل، عيونها منفخة وحمر من البچي وعبايتها كلها تراب وشعرها طالع من طرف الشيلة أول ما شافتني، بقت واڪفة بمكانها مو مصدّگة انـا كبالها

حجيّة عنب: ييمه يمامه 

ما گدرت أحچي.

فتحت إيدها وضمتني لحضنها وأنا بعدني شايلة حياة فحاولت انطيها ضرغام وحضنتها بايده الاثنين ابجي

حجيّة عنب: وينج يمّه؟ وين رحتي وخليتيني؟ شلون گلبي يتحمل كل هالمدة؟ يمّه انـا عبالي ما أشوفج بعد 

يمامة: حجيّةشبيج شصار ليش تبچين هيچ شكد اتصل ماتردوني عليه

ما ردت بس ظلت تشبگ بيّه وتبچي، وتبوس راسي وخدودي

حجيّة عنب: فدوة اروحلج خل أشوفج خل أشوف وجهج، يمّه شلون صايرة شكد ضعفانة وهاي الجهال كبرانين الله يحفظهم إلج

بعدين سلمت ع ضرغام 

ودخلتنا بالحوش

يمامه: جا شني عمي مسلم وينه 

حجيّة عنب: مسلم يمه مسلم راح نوره يا يمامة

بقيت أباوعلها ما استوعبت حچيها

يمامة: شنو يعني راح نوره؟

حجيّة عنب: مسلم صار أعمى يمّه

الدنيا كلها سكتت بوجهي ماكدر اتحمل أي شي بعد وصرخت بوجيها

يمامه: شلوووون من شوكتتتتتتت ليششششش ماتڪليليييي ابوي هيج بييييييي

صرخ بيه ضرغام 

ضرغام: ولچجججججج نصي صوتحججججج لاتعلينه عليهـاااااا

حسيت ضرغام رجعني لوعيه بصراخه

يمامه: وينههه عمي ووووينهههه

اشرت الي بالهول

رڪضت بساع وشفته ماعرفته كاعد نايم ودموعي ع خدي

يمامه: عمي 

مسلم: هذا ياهو مسير عليه بويه يمامه 

الف هلا بويه الف هلا بيچ 

جيتج لاتضرج بالعكس تنفعني

بجيت وهوه كعد وشڪبته وبجيت بجي عمي مسلم وكلني وشربني صاير صايرررر بيهممم

يمامه: بويه والله مادري وبالي يمكم واتصل محد يرد 

وانـا جهالي ماخذين حيلي

اخذت ايده وبسته سمع صوت ضرغام وهم سلم عليه وباسه من راسه

عاتبت حجيه عنب

يمامه: شلون ضمين عني هيچ شغله شلوننننن

ضرغام: والله حجيه انـا صارلي٤ ايام بزياره

ورجعت عدنه سالفه مافهمته شني والله لان يمامه بالها كله يمكم عفت شغله وشيوخ وڪلت ليش انتضر خلي اخذها والله بالها يمكم مايمر يوم نستكم

عنب: والله يايمه انـا اخبز للعالم واشتغل وعكل مو براسي

عرفنه مسلم جان يشتغل ولان ڪيعان وهاي طايح بعيونه سمنت مال بناء لان يبنون ب الڪيعان. 

ولان رجال جبير ماتحمل بساع وعمه ولاكدرو ياخذونهه لدكتور وضلت حجيه هيه تخبز وتتشغل بالديره وعمي بضيم وحته بيتهم وصخ وتراب ماتڪدر تسوي ماتلحك 

باوعت لضرغام، وبعدين رجعت لحجيّة وحسيت ضرغام عرفني شريد وهز براسه أي

يمامة: حجيّة لمّي أغراضج إنتِ وعمي ومسلم، اللي تحتاجوه بس، والباقي نجيبه بعدين

حجيّة رفعت راسها إليّ باستغراب.

حجيّة عنب: شنو يمّه

يمامة: شنو يعني شنو؟ تاخذون أغراضكم وتجون ويانه لبيتنا شنهي تتوقعين اعوفج هيج تشتغلين وهذا ابوي لمني ولم جهالي اعوفه هيجج؟ 

حجيّة: لا يمّه، لا والله انـا ما أطلع من بيتي.

يمامه: منووو الگممم ياهو يدير باله عليگم شوفي حالج شوفي عمي مسلم يحتاج واحد يمه لاتتوقعين اعوفكم

حجيّة: يمّه انـا أتدبر روحي، لا تشيلين همّي.

انـا ما أريد أثگل عليكم، عدكم جهالكم ومسؤولياتكم، وضرغام عنده شغله ما أريد أكون حمل عليكم

ضرغام اللي چان گاعد يم مسلم رفع راسه وحچى بهدوء.

ضرغام: حجية، إنتِ مو غريبة حتى تحسبين حساب هالسوالف البيت بيتكم، وتجون ترتاحون عدنه وعمي مسلم هم يحتاج متابعة وراحة ويمامة تبقى يمكم وتهتم بيكم وانتو ماقصرتو وي جهالي حته انـا انڪر المعروف الي سويتو وياهم 

حجيّة: الله يجزيك الخير يمّه، بس والله ما أگدر أترك بيتي

يمامه: يممممه شبيجججج شبيججج ماحاسبتني بتكم جا اداري منوو والله اذا هسه ماتكومين وياي

اضل هنا ويخرب بيتي 

ضرغام: حجية، اسمعيني زين إحنا ما جايين نجبرج على شي، بس إنتِ ومسلم بهالحالة ما يصير تبقون وحدكم. تعالوا لبيتنا كم يوم، ترتاحون، وإذا ما ارتحتوا، انـا بنفسي أرجعكم. بس هسه خل نطمن عليكم ونشوف شنو تحتاجون لاترديني

حجيه: انـا ماكدر اردن الشيخ ابن اصل وفصل مشكور 

طول الحجي مسلم ساكت وادري يريد يروح يرتاح يمي واخلي بعيوني

حضرنه اغراضهم وضرغام كض عمي مسلم يمشي وصعده بسياره 

وحجيه كساع تتشكر مني واخر شي كضت ضرغام وباسته 

عمي رغم مايشوف بس يريد جهالي ويبوسهم.

وصلنا للبيـت المغرب لان كعدنا هواي يمهم

نزل ضرغام عمي وحجيه شالت حياه

وسمت ع محمد من شافت البيـت. 

فتح باب ودخلو بديوان ركضت بساع فرشت عمي مسلم وصحت ضرغام استاذن منه افرش اله بغرفه امه سڪينه وقبل كتله كوم نام ع جربايه كال خليني شويه كاعد يمكم صح ماشوف لجن روحي يمكم

كامت حجيه عنب دخلت بغرفه سڪينه خلت غراض واحسها ماراضيه

حجيه: زحمه وغرفه امه

يمامه: ضرغام قابل وانتو مو غربه هذا بيت بيتچ وسڪينه خلته كله الي. 

كعدت حجيه طلعت غراض تخلهم بالكنتور

اجاني ضرغام بالممر كلي جهالج

يمامه: اشو تصيح؟ 

ضرغام: ماصيح بس صدعونييي وخطيه مسلم تعبان

بعدني ماداخله لديوان 

الباب تفلش تفلش ومره تصرخ يبووووو لحكولي

كلها طلعت وحته حجيه عنب ركضت ضرغام ركض بساع يفتح البـاب وانـا عفت جهالي يم مسلم نسيت گلشي

فتح ضرغام الباب وطاحت بنيه وصيفه يعـني(عبـده) 

انصدم ضرغام وماعرف شيسوي ركضت حجيه كومتها صح جانت سمره ڪلش بس عيونها جانن زرڪ 

ضرغام: تفضلي خويه شجابج لبيتي

البنيه: انتتت شيخخخخ ضرغام والشيوخ ترضونننن يصيرررر بيههه هيجج

تحجي وتبجي وشمرت حجابها وبجيت وحجت بصوت 

البنيه: انـا اغتص..... عشيره الامـاره وشمروني

وگتلهمممم راح اتنخههه بعشيرتگم وبشيخ ضرغام 

وانـا اليوم دخيلتككككككك ياشيخ الترهب انـا جايتك وتاخذ حككيييييي من عشيره الامـاره. 

حجتها وخلت الوجهه صفره ومانعرف شنرد باوعت لهدومها فعلا جانت ڪلها دم وضلت تتنخه بضرغام وتريد حته ايده تبوسها

والحجيه ضاله شابكتها وتبجي وهيه ع لسانها شي واحد

_اخذ حكييييييي منهممم يالشيخخخ ضرغام تسمعني اخذ حكييييييي وسفه عكالكم ع راسكم واجتكم حرمه