رواية انت البارود وانا النار الفصل الرابع والاربعون بقلم شمس

﷽

﴿وَلَسَوْفَ يُعْطِيكَ رَبُّكَ فَتَرْضَىٰ﴾

عـن حـال لسـان يمامـه تـكل ضرغام... 

ومـو متـعافـي مـن عفتـك تـرى مجبـور... 

علـى التـابـوت هـم مـرات اكـو تـهلـهل... 

كـوه مـن گلـبي طلـعـتك سـهم مكـسور... 

السـهم مـن ينبـت اهـون طلعـته تعـلعل.. 

───── ⋆⋅????⋅⋆ ─────

حجي: بس ماريدن الحجي يوصل لشيخ ضرغام بويه

هنا ضرغام انصدم وضل وجهه ينطي الوان واضح هذا الحجي جاي يحجي وياه مايعرف الي كباله شيخ ضرغام 

وتاكدنه هذا الرجال يعرف مكان يمامه جاوبه ضرغام 

ضرغام: وليش عمي شنو علاقة شيخ ضرغام بالموضوع

الحجي بلع ريگه ومسح على لحيته البيضة 

وبعدين گال بصوت متردد

الحجي: بويه انـا رجال كبرت بالعمر ما أريد أدخل روحي بسوالف ما إلي بيها. 

ضرغام: وليش يجيبلك وجع راس عمي انـاهسه سألتك إذا عندك شي وإذا ما عندك هم ماكو شي عليك 

الحجي: لا بويه مو قصدي منك الله شاهد انـا ما أعرفك، ولا أعرف إنت منو، ولا شنو مكانتك، بس تعرف بهالزمن الواحد إذا حچى كلمة بغير محلها، تنحسب عليه عشر كلمات، وإذا نكل خبر يمكن يضر ناس ما إلها ذنب

ضرغام: عمي، لا تنكل خبر ولا تحچي بشي ما ترتاحله. إنت إذا عندك سالفة تخص إنسان احچيلي باللي تگدر عليه وإذا تخاف من الحچي هم انـا ما أجبرك

الحجي جر حسره وباوع للشارع يتأكد ماكو أحد قريب منهم، وبعدين رجع باوع لضرغام

premium

الحجي: إنت من هل ديره لو غريب عنها

ضرغام: مو بعيد عنها

الحجي: وتعرف أهل الديره يعني

ضرغام: أعرف ناس، وناس ما أعرفهم ليش تسأل عمي

الحجي حك راسه، وبقى ساكت كم ثانية، وبعدين گال

الحجي: لأن انـا من ديره ثانيه مو من هنانة، وأجي لهالمنطقة بين فترة وفترة الي رفيج قديم رجال طيب اسمه مسلم. يمكن تعرفه، ويمكن ما تعرفه، هو ساكن بديره ثانيه ببيت متواضع، ومرته حجيّة طيبة، الله يكثر من أمثالهم

ضرغام ما تغيّر وجه ولا استعجل بالسؤال 

ضرغام: إي عمي وبعدين شصار على رفيجك

الحجي: ما صار عليه شي، الحمد لله، بس انا قبل كم يوم رحتله جان مريض ورحت ازوره مثل عادتي أشرب عنده چاي وأسولف وياه. من وصلت لبيته، شفت عنده ناس وما حبيت أتدخل بشؤونهم 

لأن البيت بيه حرمة وجهال

ضرغام: اي عمي وشنو تريد مني اسوي؟ 

الحجي: جايك بالحجي بويه شفت بنيه شابه وياها فروخ صغار. بالبداية عبالي من قرايبهم، لأن الحجيّة جانت تعاملها مثل بنتها ومسلم هم چان حريص عليها وكل شوية يسألها إذا محتاجة شي، وإذا تعبانة لو لا. بس البنيه الله يعينها، وجهها مو وجه وحدة مرتاحة

ضرغام: زين خل أسألك سؤال عمي وتجاوبني بصراحه إنت شتريد من البنيه وسؤال عن بيت اهلها؟ 

الحجي: بويه صديجي مسلم طلب مني هذا الطلب

ڪال روح لديره وشوف وضع اهلها وزوجها شيخ وشوفهم من بعيد يعني وداني طـارش واحلفك ب ابنك بويه لاتوصل الحجي لشيخ بس اذا تعرفهم ياريت دلني عنهم

ضرغام: كلامك صحيح عمي وما أگدر ألومك لأنك خايف. بس هم إنت لازم تعرف إن السكوت مرات يوجع أكثر من الحچي

وإذا أكو إنسان ينتظر خبر عن شخص عزيز عليه

وما يعرف هو عايش لو مريض لو شصار غلطان توڪف وي الباطل عمي

الحجي: اسمعني بويه انـا أحچي وياك من كل گلبي والله العظيم، وبحق هالعمر اللي عشته، وبحق اللكمه اللي أكلتها من خير الناس انـا ما چنت أريد يوصل حچي هالبنية لأي أحد. لا إلك، ولا لغيرك، ولا حتى للناس اللي أعرفهم. والله ما چنت ناوي أفتح هالموضوع، لأن حلفت بيني وبين نفسي ما أكون سبب بفضيحة حرمة ولا سبب بخوفها 

ولا أريد حچي يوصل الشيخ ضرغام لان مسلم وصاني وذمه والبنيه هم خايفه وامنت بيه

ضرغام: عمي، وإنت شنو تريد مني هسه

الحجي تردد وكوه حجه

الحجي: أريدك إذا جنت تعرفها أو تعرف الشيخ ضرغام، أو تگدر توصلله حچي، لا تستعجل. لا تروح عليهم ولا تخلي أحد يعرف انـاسئلت عنهم خلّي الموضوع بيناتنا وإذا أكو طريقة تطمن بيها عليها وتعرف اخبارهم ياريت تكلي انـا رجال جبير ماكدر اسئل وافتر بهاي المنطقه

ضرغام: زين بويه عادي تگلي وين الديره وانام اتكفل بسالفه هيه وزوجها

الحجي: والله العظيم اعذرني بويه ماكدر أفكر شلون أوصل الخبر من غير ما أضر أحد انـا 

بس لا تطلب مني أكثر من هذا هسه سالفهه موش هينه

ضرغام: انت طلبت وتريد جواب ويدك بابنه مايرجع عمي وانـا راح أكلك اخبارهم لان انـا اعرف الشيخ ضرغام ولاتنشد احد غيري ترا هاي ديره كلها صحبه اله وتروح تكله بس هسه كلي شنو اسمها الكامل عمي

الحجي: والله ما أعرف اسم أبوها بس أعرف اسمها يمامه بنيه صغيره ومرّت بظروف صعبة

ورفيجي مسلم ومرته آووها ببيتهم 

الحجيّة تحبها هواي

ضرغام نزل عينه للحظة، ورجع رفعها.

ضرغام: وإنت متأكد من الاسم عمي اسمها يمامه؟ 

الحجي: إي والله، متأكد. مو سامعه من احد انـا شايفها بعيني، وكاعد وياها، وسمعتهم يصيحون الها يمامة من رحت شفته هيه عدهم

ضرغام: وعندها أحد وياها يعني أهل، إخوان لو وحدها

الحجي: ما أعرف التفاصيل كلها. بس سمعت إنها عندها إخوان، وسمعت الحجيّة تكول البنية خايفة من شي وخايفة ترجع للمكان اللي إجت منه وانشد عنهم من بعيد

ايـه: عمي، إنت گلت إنك تريد تسأل عن بيتهم، شنو اللي تريده بالضبط من بيت يعقوب 

الحجي باوعلي ورد

الحجي: أريد أعرف إذا أحد من أهلها وصل إلها أو إذا شيخ ضرغام عرف مكانها. لأن رفيجي مسلم ما يريد يسبب مشاكل وهو مو من الناس اللي يحب يدخل بعراكات العشائر وانـا گلت أسأل من بعيد، وإذا ماكو شي، أرجع وما أجيب طاري الموضوع 

ضرغام رفع راسه بسرعة بسيطة.

ضرغام:عمي، إنت تعرف شيخ ضرغام شخصياً

الحجي: لا والله، لا شايفه ولا أعرفه. بس اسمه واصل لكل مكان، والناس تحچي إنه رجال صعب، وإذا يريد شي ما يعوفه وانـا ما أريد أجيب البلاء لرفيجي. مسلم مسكين، شنو ذنبه يصير عرك ويدخلون عشائر

سكت ضرغام.

وبعدين سأل سؤال خلاني ألتفت عليه بسرعة.

ضرغام:عمي، إذا أگلك إن هالبنية إلها أهل يدورون عليها، وإن أهلها خايفين عليها، شتگول؟ ترضه بهذا الباطل انت؟ 

الحجي: أگول الله يجمعهم على خير، بس هم أسأل ليش البنية تركت أهلها مو كل واحد يترك بيته من غير سبب. يمكن هي غلطانة

ويمكن مظلومة 

ويمكن السالفة بيها شي محد يعرفه بويه 

انـا ما أحكم على أحد بس إذا أهلها يريدونها ترجع

لازم يعرفون شلون يتعاملون وياها حتى ما تشرد مره ثانيه 

ضرغام:عمي خلّينا نكول إن هالسالفة نحلت وأريد أتأكد البنية بخير. ما أريد منك عنوان بيت صاحبك ولا أريدك تحس انـا أحقق وياك

بس إذا تكدر توصلني لشخص يعرف أخبارها، أكون ممنون إلك 

الحجي: ليش بويه؟ 

ضرغام: انـا احلن السالفه اعرف بيت يعقوب من بعيد بس انت شجيبك ورجعك انـا اروحن واصل الحجي اله هيه وين عايشه عدهم؟

الحجي: حسب آخر مرة حچيت ويا مسلم، إي، بعدها هناك. بس انـا من كم يوم مو شايفها ولهذا گلت اروحن وأسأل

ما أريد أروح لبيتهم وأفتح موضوع ما يريدون يحچون بيه لان بس وصوني وسكتو

ايـه: عمي، تگدر توصلنا لصاحبك مسلم؟ نريد نحچي وياه بهدوء، ونفهم السالفة ونوصل احنه الحجي وانـا بنيه واحجي وياها هم افهمها

الحجي تردد شوي

الحجي: أگدر بس بشرط 

ايه: وشنهي شرطك عمي موافقين بيه 

الحجي: ما أريد عرك ولا أريد تهديد ولا أريد أحد يروح يفزع على البيت

مسلم رجل جبير بالعمر، ومرته هم جبيره والناس اللي ببيتهم أمانة بركبتهم

ضرغام رد بسرعة، وبنبرة حاسمة:

ضرغام: أوعدك عمي، محد راح يدري بالموضوع ومحد راح يتاذه لا لمسلم ولا لمرته انـا بس أريد أعرف الحقيقة وأتأكد من البنيه ونضل ع تواصل حته وياك

الحجي: ما أنسى معروفك بويه الله يكثر من أمثالك الله دزك الي 

حجه الحجي المڪان سكان بي مسلم بياديره 

شلون هيه قريبه علينه بديره ثانيه ومحد راح وسئل عنها وشوصلها يمامه لهناك وشراح يسوي ضرغام مادري

باس الحجي ابني ايهاب وسلم ع ضرغام وهوه ينخاه مايوصل حجي ضرغام مايدري الي ڪباله هوه ضرغام

ضرغام: سسمعتييي شڪال ايه؟ 

شال ابني ايهاب وضل يمشي اسرع مني للبيت حته مالحكت اجاوبه وصلنه للبيتنه. 

ايه: خووويه يمامة بخير وجهالك عايشين الحمدلله 

ضرغام هز راسه ببطء.

ضرغام:اشهروأكثر، ايـه اشهر وأكثر وأنا أدور عليها بكل مكان وتالي يوصلني عنها يجي من حجي ما يعرف حتى منو انـا 

مانعرف شنسوي بس انـا احاول اهدي ضرغام مايروح بنفس لحظه ونخسرها ل يمامه ننتضر اتصـال من الحجي ضلينه ننتضر هوه حته عشه ماتعشه ولاقبل نحجي ل اخوانها ڪال لمن اتاكد ونحجي مره ثانيه. 

اتصل عليه الحجي وفتح سبيڪر ورجعو فتحو موضوع من جديد بحجه ضرغام يريد يسئل اكثر حته باجر يوصل حجي الهم

ضرغام: تفضل عمي، احچي انـا اسمعنك بس اريدن اسئلك سؤال مسلم شنو يعرف عن زوجها هيه شني حاجيه الهم 

الحجي: اللي أعرفه إنّه عرف منها إن زوجها شيخ وله مكانة بين الناس، والموضوع مو بسيط مثل ما هو متصور. بس هي ما دخلت بالتفاصيل، لا حچت عن اسمه، ولا حچت شنو صار بينهم الي ولا حتى گالتلهم ليش طلعت من بيتها. كل اللي فهموني منها إنّها ما تريد ترجع هسه بس ڪالت عمي فدوه اسئل بحذر ولاتجيب اسمي

جاوبه ضرغام 

ضرغام: وهي شلون عايشة يم مسلم يعني مرتاحة ببيتهم. 

الحجي: الله يعلم شگد يحاولون يريحوها مسلم الحجيّة مايقصرون اهل نخون تعتبرها مثل بنتها وتخليها على راحتها، وإذا شافتها ساكتة ما تكثر عليها وفروخ هم مدللينهم، ما مقصرين وياهم بشي. بس يا يابني البيت مهما جان طيب يبقى مو بيتها والناس مهما حبوها يبقون مو أهلها.

ولهذا مسلم يريد يعرف إذا أكو أحد من أهلها يستاهل ينفتح وياه باب الحچي

ضرغام: زين عمي وإذا فرضاً عرفت إن زوجها يدور عليها من أكثر من شهر وإنه ما يعرف عنها شي شتسوي شتوصل الها من خبر

الحجي: بويه انـا اوصل كل الي تنكله الي شما جان زوجها واخوانها تعرف عنهم شي ڪلي مانقص حرف

ضرغام: الله يكثر من أمثالك عمي بس ڪلي وين العنوان حته باجر نروح انـا وياك الهم واحجي الهم كل الي اعرفه

الحجي: خوش بويه تسوي فضل مسلم هسه يحبك همه تعرف ڪتلك بديره لـ..... وبيتهم قريب ع لـ...... 

حجه العنوان وضرغام مايعرف شلون يصبح عليه صبح ويروح اتصل ع سالم واسعد وحجه الهم گلشي. وباجر يرحون ويـا نومت ابني ايهاب وضرغام مانامت عينه يفتر ياحديقه يايصعد ياينزل

ايـه: خويه مو فرشتلك نام وصباح رباح ليش هيج احمد ربك لكيتها

ضرغام: شتريديني أسوي ايه أفرح لأن عرفت إنها بخير، لو انقهرررر لأن مرتي وجهالي عايشين بمكان بعيد عني، وأنا ما أعرف عنهم شي 

ماجاوبته لان مبين معصب نزلت من غرفتي الصبح ع وقت وايهاب بعده نايم شفت ضرغام گاعد بالديوان لابس دشداشته ومكمل لبسه وكوب جاي ومبين بارد حتى ما متذكر يشربه. تلفونه بإيده، وكل شوية يفتحه ويباوع بيه يمڪن ينتظر اتصال يغيّر حاله كله 

من شافني، رفع راسه

ضرغام: صبحج الله بالخير

ايـه: صباح النور شبيك گاعد من الغبشه ما نمت لو شنو

ضرغام: نمت

باوعتله بنص عين

ايـه: إي واضح حتى وجهك يكول نمت نوم أهل الكهف

ما ابتسم بس هز راسه ما عنده حيل حتى يرد عليّ

ضليت يمه كتله اسويلك ريوك هز راسه بـ لا

اندڪ الباب كال

ضرغام: وصلو

ما لحگت أجاوبه إلا والباب انفتح ودخل سالم أول واحد، وراه أسعد وجوههم تبين بيها قلة النوم وشعورهم مبعثر، وسالم عيونه حممرر ما أدري من السهر لو من القهر لو من قله النوم لان متاكده محد نام بيهم البارحه بعد ماندلو مڪان يمامه 

قبل لايطلعون حجه سالم وكال.. 

سالم: زين واذا رحنه وطلع مايقصدها يمامه؟ 

ضرغام: ما أگدر أجزم بكل التفاصيل بس الحچي اللي سمعته ينطبق عليها ولاتنسه گلي مايريد الحجي يوصل لشيخ 

سالم: شمنتضرين مانتوكل؟؟؟ 

أسعد: إي، نروح سوه يلا مو واحد يروح وحده ويصير حچي، ولا نريد أحد من جماعتنا يدري نروح إحنا الثلاثة، ونخلي الحچي بيناتنا فهموم؟؟ 

ودعتهم وطلـعو وضليت انـا بيتنا مارجعت الله يستر من راح يجي.. 

يمامه 

بعد ماطلع عمي من المستشفى ماڪدرت اروحن اضل يمهم من الصبح بس وقت نومه اخذ جهالي وارجع للبيت لان بيتهم صغير وجهالي يبجون 

الحجيّة: يمامة يمه تعالي شوفيلي الخبز، أخاف احترگ منّي

ڪمت بسرعة، عدّلت حجابي وطلعت إلها. لگيتها واكفة يم التنور، ووجهها متعرگ من حرارة الناروبيدها تگلب الخبز

يمامه: يمّه ليش ماخليتي انـااخبز من البداية؟ 

گلتلج أخبز انـا تعبين انتي ودنيا حاره

الحجيّة: ولج يمه إنتِ من الفجر ما گاعدة خليج شويّة ترتاحين. بعدين انـا من أشوفج تشتغلين، أحس روحي انـا المقصرة وياج

يمامه: لا تحچين هيچ، والله إنتِ ما قصرتي وياي ولا ويا جهالي انـا ما أعرف شلون أردلج هالجميل

الحجيّة: يمّه، لا تفتحين نفس موضوع كل مره مامسويه شي انـا ما سويت غير اللي يريح گلبي وضميري. إنتِ بنيه لج ظروفج، وجهالج أمانة

ورب العالمين هو اللي خلج لبابنا

لا تحملين هم الجميل ولا رده

بس أريدج تهتمين بنفسج وبجهالج.

نزلت عيني حتى ما تشوف الدمع اللي تجمع بيها.

يمامه: الله لا يحرمني منج، يمّه

كملنه الخبز انـا وحجيه بحوش صغير ندك الباب عدلت حجابي وفتحت الباب

يمامه: السلام عليكم منو؟ 

الحجي: وعليكم السلام ورحمة الله وبركاته، صباح الخير بويه مسلم موجود

يمامه: إي عمي موجود تفضل

دخل ب الحوش وسلمت عليه عنب ودخل جوه يزور عمي مسلم عنب كعدت واخذت جهالي بحضنها

وانـا رحت لمطبخ اسوي جاي وجبته الهم 

الحجي: الله يحفظج بويه شكرا شلونج عساچ بخير

يمامه: الحمد لله عمي، بخير الله يسلمك

الحجي: الله يديم عليج الصحة والعافية، ويحفظلج هالصغار

ما جنت أعرف إن هالزيارة العادية راح تصير بداية حچي يخصني وإن الحجي اللي جاي يزور عمي مسلم راح يروح يسئل عن اهلي لديره

ڪعدت يمهم وطلب عمي مسلم يروح يسئل عن اهلي وعن زوجي 

مسلم: بس بشرط ما توصل اهلها ولا تذكر اسمها اي واحد تروح تنشد من بعيد

يمامه: عمي بس انشدلي وضع اهلي وزوجي 

الحجي: سهله بويه 

سمعت من عمي المغرب هوه رايح وراح يجيب اخبار مارتحيت بس سلمت امري الله 

يوم ثاني الصبح عزمت مسلم ومرته بيتي لان صـار زين واتسوك الي وانـا راح اطبخ 

اجوني من صبح حته تريكنا سوه لان همه طبعهم يكعدون ع وقت حته جهالي تعودو مثلهم من هسه

فتح باب عمي مسلم لان ندك الباب واحنه كاعدين ب الحوش فارشين زوالي 

نزلو من سياره أسعد وسالم وثالث ضرغام 

نزل من السيارة وعدّل عگاله، وسد الباب وراه حيل ما حچى، ما التفت لأحد، بس رفع عيونه للبيت وباوع نضراته وحدها چانت كافية تبين الي بي

حتاريت شسوي واشيل منو من جهالي ضليت واكفه من اصدمنه 

حجيه: دخليييي ولج يماا 

ماكملت حجيه كلامها همه ٣بالحوش بيتي اي بيتي ضرغام واكف گبالي واخواني هم

الحجي سد الباب وراه وعرف صار مابي رجعه

مسلم: حيّاكم الله، أول شي 

اول ماصرخ أسعد من شافني وانا ع حطتي ام جهال ثنين صعب شردتي واشيل ومنو أصلا واخلي منووووو

أسعد: يمممممااااامممممههههه

الحجي رد بساع

مسلم: اختك ببيت ناس مو ضايعة بالشارع حتى تصيح عليها بيتي والبيت ال حرمته نحجي ك زلم لادخلون نسوان 

ضرغام رفع إيده إشارة ل أسعد حتى يسكت وبعدين حچى:

ضرغام: اللسلام عليكم عمي، إحنا ما جايين نكسر خاطرك ولا ننسى إنك فتحت بابك لمرتي وجهالي.

 المعروف يبقى معروف، والرجال 

ما تنكر طيب الناس. بس هم إنت تعرف إن للبيوت اسرار وللأهل حقوق وانـا جاي أطلب أشوف أهل بيتي وأسمع من مرتي شنو اللي صار وشلون تطلع وتاخذ جهالي ولا الها نيه ترجع؟

الحجي ثبت نظره عليه.

ـ حجيك ع العين والراس يا شيخ ضرغام، بس مو كل حق ينأخذ بنفس الطريقة. 

يمامة إذا تريد تشوفك تشوفك.

وإذا تريد تحچي، تسمعها بس تطلع من هنا وياك وهي مو راضية، فهذا ما يصير بوجودي

ضرغام: عمي انـا راح أحچيها من البداية حتى ما يصير سوء فهم. إنت رجال صاحب فضل، وبيتك مفتوح، وما ننكرلك هالشي. بس المره مرتي وهذول جهالي، واليوم انـا جاي آخذ أهل بيتي وأرجع

حجت الحجيه وبحركه اعصاب ونبره صوته تغير وخلت عينها بعين ضرغام وكالت 

حجيه: هوه هذا انت شيخ وتحكم بالضلم امك ماربتك عدل ظاهر انـا واكفه وره حجيه ارجف من الخوف

هنا رفع راسه الحجي ورجع حجه احسه برد گلبي شويه 

ـ وإذا يمامة ما تريد ترجع

ضرغام باوعله بنظرة ثابتة.

ضرغام: هذا الموضوع ينحچي بيني وبينها 

مسلم: انـا بمثابه ابوها صرت ماتاخذون بنيه ب صياح وتهديد

أسعد: والله ياحجي انت ماتعرف صار بينه بس اللي سوته بينا مو سهل لا هي سألت علينا، ولا خلّت إلنا طريق نوصل إلها

الحجي بقى ساكت يسمعهم بس وجهه ما ارتاح لكلامهم وخواني يحجون شلون شردت ونزلت راسهم وهمه ماغلطانين بحقي 

سالم: گليييي عمي كليييي ترضه بهل باطللللل هذا؟ 

حجيه شالت حياه ودخلتها جوه ونوب رجعت ع أيهاب دخلته 

حاجاني اسعد وانـا اذا حايط حجه حجيت صار الي جنت خايفه منه

اسعد: شلون هيج تسووووين بينه ولج شلون تنزلين راسنههه وراس اخوانج ورجلج عود هاي انتي عاقله ولج شلون وانتي ع ذمه رجالللل شرددددديننن وجبين جهالججججج ومطيزتناااا شنهيييي احنه موش زلم بعينججج

الحجيّة حجت

ـ خليها تحچي، يمّه. لا تصيرون كلكم عليها مرة وحدة شسالفتگم وليتوها وليه

ضرغام رفع إيده، وأسكت الكل 

وصاح

ضرغام: تعاي

هزيت راسي اله وانـا ابجي 

ضرغام: گلت تعاي گبالي صيري

حجيه: شيخ ضرغام لا تحچي وياها بهالطريقة البنية خايفة منكم ع كيفكممم وياها 

حجي: تحجون وياها بالعيني واغاتي تفضلو جوه ماتردون طلعو 

حجه شيخ

ضرغام: انـا كلت مارجع بدون مرتي وجهالي

مسلم: وانـا ما أقبل واحد ياخذ بينه من بيتي وهي تبچي وتگله لا حتى لو إنت زوجها،وحتى لو شيخ على راس عشيرة. 

ضرغام:انـا ما جاي أمد إيدي عليها ولاطاكها اوزن گلامك عمي بس رجعتها اليوم محسومةوما راح أرجع من دون جهالي

بجيت وشهگت وصرت وره للحجيّه وكاضه بيدها اتوسل بيها وكوه ينفهم كلامي

يمامه: لا تخلّيني أروح! دخيلچ احچي وياه يمممه

الحجيّة شبڪتني ودمعتها نزلت وياي

ـ ما أخليچ وحدچ يا يمّه والله ما أخليچ وحدچ ماترحين

ضرغام: يلا يمامة، لمّي أغراضچ وأغراض الجهال

هزّيت راسها بسرعة

يمامه: لا! ضرغام، دخيلك لا تسويها بيّه ماارريد

ضرغام: گلت لمّي أغراضچ

يمامه: ما أريد أرجع

سالم: انتي شنيييي ماتستحينن عينج ماتنكسر ولج نزلتي راسنه وبعدج تحجينننن وتكولينن مارجععع

صرخت حجيه بي

حجيه: كافي لا واحد بعد يحچي عليها 

اجه ضرغام تقرب عليه وحجيه اشر الها مسلم تبتعدت عبن هوه رجلي ومايصير توكف بوجهه

گضني من زندي حيل وحجه بصوت ناصي بس انـا اسمعه

ضرغام: تحضرين اغراض جهال؟

لو اخذهم واعوفج منا وتلحمين تشوفينهم بعد وانتهى الحجي؟ 

ضليت ساكته ماجاوبته 

ضرغام: اسمعيني زين، ولا تخلّيني أعيد حچيّي مرتين ترحين لو آخذ جهالج من إيدج وأخليج تروحين وحدج اختاري؟ 

كلام ضرغام خله يمامه بحيره شراح تسوي ترجع ويا علمود الجهال وتواجه مصيرها بلي راح يصير 

لو القدر اله رئي ثاني ومسلم وعنب يوكفون بوجه 

بصفتهم عدهم بيتهم وحرمه البيت محد يكدر 

شنو راح يكون ردها وشراح تواجه بعد