رواية حين تتغير الاقدار الفصل الثاني والخمسون بقلم قلم سناء الهموندي
خاطبتها النجوم قائله
لطالما اعتبرناكِ فرداً منا انتطفئين الان .????️????⭐
لا تـتـعـجـب مـنـي اذا رأيـتـنـي مـره اضـحـگ و مـره ابـكـي فـآنـا كـ ورده مـره ازيـن عـروسـآ ومـره ازيـن قـبـرآ????????????????????✝️
رضا : ما اكلك غير بس كلمتين مو اكثر مراح تلكي
مثلهه يا ابن عمتي بالمهنى عليك خير مختاريت
ليث : تسلم رضاوي .
تكتم : صارت تقريبا ساعه ب١٢ خالتي هناء كالت احنه
فرشولنه بالسطح امي كالت روحي فرشيلهم اختج
كنست السطح ورشته حصير انتي صعدي
الفراش وفرشي بيبي كالت هذول عيالج لازم داريهم
وتضحك اني كمت اشيل روحي وادكهه بالكاع واكول
والله مافرش امي خزرتني وكالت لعد روحي غسلي
المواعين هبه واسراء يباوعن ويضحكن عليه عاد رحنه نجيب الفراشات و كامت
اختي تحطلي الفراش على الدرج واني
اصعد سطحنه كلش جبير ومفصول عبالك صاير
سطحين صعدت لكيت خالو انور كاعد على الحصير
ويمه لاله وبيده كتاب يقره اول مشافني ضحك وكال
هلا بجنتي اني ضجت شنو يكول هيج هسه اذا سمعو
اهلي شيكولون بس سلمت عليه وهوه سلم عليه ذاك
السلام الحار وساعه يسالني شونج واني اجاوبه نوب
كمت افرش وهوه يباوع عليه ويبتسم ويكول اي عفيه
بجنتي دللينه حتى ناخذج اليث اني فتحت حلكي عليه
وكتله شنو شنو شنو هاي شبيك خالو يعني انت عبالك
اني جاي افرشلكم حتى تاخذوني ليث عاد هوه ضحك
وكال لا خالو شبيج اشاقه وياج بس يحجيهه
بضحك .....اني شطت شوط واشرت على السماء وكتله
شوف خالو شوف النجوم شكد بعاد كال اي ....
كتله نجوم اقربلك مني لان اني مستحيل اقبل بليث
حجه بنبره كلهه ثقه وكال ......سوي اليعجيج بس ثقي
بله انتي غير ليث مصيرين ...كتله والله خالو
حلم ....كال يعني هسه شنو انتي متردي اليث ....كتله
اني لا اريد ليث ولا غير ليث وياريت لو تعوفوني بحالي
رحمه للنبي تره خاله حيل مجلبتلي واني ماريد ....كال
زين ليش ما انتي تحجين ويا وتفتهمين منه وتكليله هم
اني ماريدك ....سكتت عاد كال رغم ما اني هم اتمناج
لابني بس راح اشيل ايدي واخلي خالتج هيه الي
تتصرف واكيد هيه تعرف طلعج مثل الشعره من العجين
بسس هاااا ديربالج تعانديهه تره خالتج تموت على واحد
يعاندهه تكوم هيه تعاند اكثر يحجي ويبتسم وكال هاي
هيه اني طلعت منهه بعد كتله اني مراح انسالك هل
معروف كملت فراش ودرت وجهي انزل وصلت للصفحه
الثانيه من السطح صار بوجهي اني نصدمت يعني سمع
كل حجينه دنجت راسي نوب رفعته على كيفي اشوفه
شيكول لكيته صافن بوجهي وجر حسره وكال حجايه
وحده بس احجي وياج .....كتله تفضل ...سكت شويه
نوب كال لا مو هسه خليهه لغير وكت ....نوب تمنيته لو
محاجي لان خلاني بهاي حجايته اسعر سعر باوعتله
بعصبيه ونزلت ركض واني ادردم كله منهم ليش خلوني
اني افرش مو البيت متروس بنات لو هذا حضي والله
اله العب بيهم طوبه طبيت للصاله واشوف رضا واسراء
وهبه وبنت خالتي سلطانه لتمو عليه ويضحكون
ويكولون ها بشري اني تخبلت وكتلهم يعني انتو تعرفون
بي فوك ليش هيج سوون بيه والله بعد ماحجي وياكم
اني احجي باعصاب وهمه يضحكون سولفتلهم على
كلامي ويه خالو انور وموقف ليث اسراء كالت هلوووو
شوف البطرانه حاجيه لخالي انور الي اول ميشوف خاله
هناء عيونه تفضحه ويحجيلهه كلشي ....ختام كالت
وخاله هناء الله يجيبلهه هسه جلب بيج بالزايد ضحكت
وهمه كلهم ضحكو وكالو اي والله ضليت ليل كله افكر
بكلامه وشنو راد يكلي وسكت واني ليش هلكد مركزه
بالموضوع كعدنه كلنه من الصبح على صوت الهوسه
ذبحو الذبيحه وناس تصلخ بيهه وناس تكصكص وناس
تطبخ واحنه البنات نضف واكفه بالمنور اعصر الوصله
حتى امسح واجه رضا كال الله يساعدهم ضحكت
وسلمت عليه اجت ختام وكفت تسولف وتضحك ويانه
مندمجين سوالف وضحك راحت ختام امي صاحت
عليهه واني بعدني اسولف ويه رضا واضحك اجه ليث
فات من يمنه وعيونه علينه جمر نضرات مليانه غيره
واتهام وعصبيه عاد رضا ضحك وكام يغنيلي ....بري
روحجججج.....بري روحجججج يا حلوه بري
روحج .....اني ضحكت وكتله شتقصد اشرلي على
صفحه ليث وكال اخونه بالاسلام لو النضرات تذبح جان
ذبحنه هذا من كل عقله عباله بينه شي ....اني بتسمت
بخبث وكتله اللله عليك الله خلي يصدك احنه بينه شي
حتى ينسحب كال.....انتي مخبله ولج جاي تبليني ويه
عمتي هناء لالالا عيني لا اساسا اني راح اروح واكله
ماكو شي بينه والشفته مجرد اخ واخت لان تكتم اختي
بالرضاعه هيه وختام كتله لا عليك الله لتكله ....كال
انتي مشفتي شون يباوع صفح ....كتله معليك منه راح
رضا واني لتهيت ويه البنات بالمطبخ نسولف وهمه
طابين طالعين كساع واحد طاب ماخذ شي وكفت على
المغسله اغسل مواعين قليله واسولف طب هوه يدور
بعيونه لمحني نوب باوع لناحيه بنت خالتي احلام
وكاللهه هند من يمج سجينه حاده اجت هند اخذت
السجينه ونطتهه اله اخذهه وراح ماعرف ليش اني
ضجت وحسيت عبالك هوه يخصني اليه بس باوعت من
شباك المطبخ احنه نشوف البره بس احنه ممنشاف لان
البره شمس والمطبخ طافيه الكهرباء ومابي غير بس
ضوه الي يطبلني من الحوش باوعت عليه شون مرتب
ورزن الشباب كلهه ضحك وسوالف اله هوه يحجي على
كد السوال واذا ضحك بتسامه مو اكثر شكله كلش جدي
اباوعله شلون ملابسه كلهه يلبسهه بتنسيق واكثر شي
يرغب للنيلي لابس بنطرون نيلي وقميص حبري طوخ
افتح من النيلي بدرجه كملنه غده و كمنه بدلنه ماكو
مكياج وهل سوالف ممنوع عدنه لبست تنوره عدله لونهه
اسود وبيهه فتحه وياهه قميص بيجي طوخ وياهه
حجاب طبعا خواتي هم بدلو اجه اصيل طب بالغرفه
ودز علينه رحنه احنه التلاثه اني وختام واسراء البقيه
صغار ماجني طبينه بوسنا وباركناله نوب كال تعرفن
اني شون اتباهه بيجن وبتربيتجن وافتخر كدام العالم
كلناله الحمدلله ..... كال فدوه اروحلجن ماريد كل هذا
يضيع بيوم واحد تفهمن قصدي يعني اليوم بالزفه راح
يجون اقاربنه كلهم من بعيد ومن قريب وجماعتي
وجماعت خواني وعمامي فكل الي اريده منجن ليطلع
صوتجن لا بصفكه ولا بهلهوله ماريد العالم ياخذون غير
نضره عليجن واني ملتهي بالعرس اريد راسي بارد
ومامن بيجن هزينه راسنه باسنه وطلع احنه هم طلعنه
ورا اجت السيارات رحنه صعدنه بالسيارات عمي علي
كال كل كوستر يصعد بيهه واحد من ولدنه علمود
النسوان صدفه ليث واكف مسافه صاحه عمي اجه صعد
بكوسترنه اول مصعد عينه صارت بعيني دار وجهه ونزل
عرفت معنه تصرفه حتى يثبت بكلامه اني مكاتل نفسي
عليج اجه رضا بمكانه وهبه واسراء وكلهم اجوي رحنه
لبيت العروسه ورجعنه واحنه لا هلهوله ولا صفكه بس
عماتي بيت العروس سويه هوسن وجبنه العروس
ورجعنه اني وعمي كميل بقو بالبيت علمود الناس
التجينه فاني جنت ماخذه عبير اختي الصغيره ويايه
شايلتهه وخواتي الصغار البقيه وحده يم ختام وحده يم
اسراء وحده ويه عمتي نوره وصلنه للبيت السياره وكفت
بنص البستان مالتنه قريب النهر نزلنه كلنه اباوع عبير
تنوص وتاشر على رجلهه باوعتلهه حذائها ماكو وهيه
بس تبجي كلت ارجع للسياره ادوره بس اذا رجعت شكله
للسايق وشون ارجع وخاف يشوفوني عمامي ويحجون
هل حجي اني رجعت ادور الحذاء واحجي بيني وبين
نفسي وصلت قريب النخلات وطلع ليث بوجهي فزيت
باوعت داير ميدورنه خاف اكو احد وياخذ غير نضره
علينه ماكو بس اني ويا وعبير شايلتهه كال بصوت شبه
ناصي ماعرف شلون اسم تكتمم ...كتله ها ...كال شعندج
هنا ...كتله حذاء عبير وكع بالسياره وداردجيبه ....كال
والله صدك تحجين ... باله طلعج واحد باله طلع صاحب
السيارة بالسياره شتكليله حضرتج يحجيهه بنبره واحد
ممقتنع ...كتله تره ماكو احد كلهم راحو يتعشون بعدين
انت شعندك هنا تقصدت اكله هيج لان شفته جان يدخن
ومن شافني وصلت يمه ذباهه بالكاع وداس عليهه
حسسته هوه الغلط واني الصح بي هوه مهتم بكلامي
وكال بخزره ياله ياله للبيت روحي اني اجيب الحذاء دار
وجهه ويهز بيده ويحجي الافنديه رايحه جيب الحذاء
وحدهه بتسمت الكلامه وهزيت راسي عاد رجع لتفت
عليه وتقدم وكال اوكفي هسه اجيب الحذاء حتى
انطيجيا يحجي ويباوع بوجهي كتله لا خاف سوي عليك
زحمه اني اجيبه خاف تتوصخ لان الطريق مناك طين
كال لا ماكو زحمه اطمأني انتضريني اجيب الحذاء
واجي اريد احجي وياج بموضوع اني كال هيج لو
جمدت بمكاني عززا يا موضوع بعدين اني وكفتي ويا
كلهه غلط عفته ورجعت ركض للبيت يا حذاء يا دنيه لو
يشوفوني عمامي واكفه ويا وحدنه اله
يثرموني ....رجعت طبيت للبيت ولكيتهم يصبون اكل
لتهيت وياهم اصب اودي واجيب محد نتبه عليه جنت
بره اجه ليث فات هوه وغلام ينكلون بالمواعين
مباوعلي ابد واني هم غلست اجه عمي انمار يصيح.
صدك جذب من شوكت دزيت على الماي للزلم امي كالت
روحي طلعي صراحيات من المعرض وترسيهن كتلهه اي
ورحت مستعجله ركعت اني وهبه راس براس نوب
لزمت راسي وهيه لازمه راسهه وضحكنه صار بفلس ويه
هل موقف اجه سعد فات من يمنه ودفع هبه حيل بجتفه
عود ميدري هبه كلتله شبيك متشوف ...كال
مادري ...كتله لا والله تدري كلش زين بس انت
متقصد ..كال كافي معليج انتي ....كتله لا عليه
ونص ...نوب تقدم قريب عليه وكال اني وبنت عمي
انتي شعليج بابه لدخلين نفسج ...كتله ماكدر احجي ويه
انسان سفيه مثلك ...كال بعصبيه اني سفففيه ..كتله اي
انت احجي عبالك شقاوجيه مو بنيه اجاني صوت ليث
خربان من الضحك ويكول ولج مو هيج بالطابوك فشخي
جاوبه رضا اي والله عمي فشخنه هيه هاي الدنيه تاخذ
الزين وتعوف العار همه طبكو ويانه وسعد تخبل ويدردم
وهمه يضحكون رجعنه نكمل شغلنه وفضينه العالم ساعه
ب9باليل بيت خالتي هناء حضرو يرحون عمي وامي
زعلوا ومقبلوا يطلعون باليل واصرو عليهم يباتون عاد
والله بقو كعدنه كلنه بالهول نسولف وعمي وخواني
وخالي انور ولده فرشنالهم صعدو فوك باسطح خالتي
كالت يوم ننجمع بليله حبيبته كلبي تحجي وتباوعلي
امي جاوبتهه ... سمعي هناء صح اني نطيتج بس تره بيبيتهه مقابله وحتى زعلت عليه وهسه كوه تحاجيني ..
جاوبتهه خالتي بصوت كله قهر ليش متقبل ولدي بيهم نقص .... امي كلتلهه والله هناء موو بيدي ميقبلون ينطون البغداد وهاي اني اكلج بعد مابيدي شي خالتي تخبلت دمعتهه ترست عينهه وكالت اني اليوم اروح لخالتي ام علي واشوف شنو القصور ....امي تخبلت وكلتلهه يمعوده ستري عليه وكعدي وسكتي بس خالتي لا حياة لمن لا تنادي لبسي عباتج وطلعي على السريع روحي لبيت بيبي .....
هناء : وصلت البيت خالتي ام علي دكيت الباب بكلب محروك اني اليوم لازم اعرف ليش هل رفض وشايفين على ولدي دكيت الباب مره ثانيه طلعلي انمار تفاجأ بيه سلمت عليه ورهوه رحب بيه وطببني جوه راح شويه وجتي زوجته سلمت عليهه وفتنه للهول كتلهه اريد خالتي ام علي صفنت عليه نوب كالت هسه اكعدلجياهه ....اعرف خالتي ب٨تنام من وكت بس انا ماتحمل راحت وره اقل ال١٠دقايق طبت خالتي تفاجأت بجيتي واحنه المغرب جنه سوه كاعدين نسولف بيت شمس كتلهه خاله احلفج باله جاوبيني بصراحه .......!.......
0 تعليق