اختنكت ظلمه وماشوف اي شي غير بس احس لوتني بطني من البرد وصرت اطك سن بسن والمصيبة الماي صار وية رگبتي كلش انهاريت راح اموت اختنكت بهل لحظه كرهت الماي احس راح انفجر قبل لا اغرك رفعت نفسي وصرت اضرب بسكف واصـرخ بشوغة

- ساعدوني ساعدونيييي .

محد يسمع وصوتي بس انا اسمعة واصلا المكان الانة بي محد يجي الا نادرًا غصيت بالماي وصرت اگح وكل ما اكح اشهك ماي طفرت روحي مدا الحك حتى اجر النفس الماي والگحة والضغط حاصرني 

بلعت گحتي ونزلت حلگي شربت ماي تعدل زردومي رجعت ادفع بالسكف ماينفتح حيلي صار يرجف وكعدت اتشاهد ودموعي ينگطن بالماي 

- اشهد ان لا اله الا الله

واشهد ان محمد رسول الله 

واشهد ان عليًا ولي الله .

عاينت لسكف رفعت نفسي لان المي حاوط ركبتي أحاول ادفع بس مايفيد صرخت بحرگة بلوعة بروحي تناشغ قهر 

- ساعدونيييي ماريد اموتن .