رواية حين تتغير الاقدار الفصل الرابع والخمسون بقلم قلم سناء الهموندي
رآح أسولف و آنتبهلي ؛
إنت مو حُب حيآتي ، آنتَ أهلي????
كلما زادت قوة وثقة الانثى زادت صعوبة????⚜
تكتم اكو شي لازم اكلجيا .... كتله شنو .....كال. تره ليث
مشتريج حيللل ومو بس هوه حتى عمتي هناء
مشتريتج ...كتله شون عرفت هوه الرايدني مو خالتي
...كال اني قبل فتره رحت
لبغداد علمود لعبه العراق كتله اي اذكر من خبصتنه كلت
العراق ومدري يادوله ...كال اي وهناك من
طلعت من العبه بعد منتهت خابرت ليث من الشارع اكو
تليفونات ارضيه خابرته و اجاني وحجيت ويا ...
كتله بصوت مخفوت شحجيتو على شنو ....كاله ...رحنه بحديقه عامه
كعدنه شربنه جاي نوب كتله بصراحه اني جاي احجي
وياك بخصوص موضوع كلش حساس ...كالي تفضل
اسمعك....... كتله الموضوع يخص تكتم لان تكتم بالنسبه اليه موبس بت عمه لا تكتم اخت ثالثه اليه الله شاهد حالهه حال سبأ وهبه .......
بعدني احجي وقاطع كلامي ليث وكال .......قبل لتبدي
اسالك سوال جاوبني عليه بصراحه وثق راح اتقبل اي جواب تجاوبنيا و انطيك اذا تريد اني راح
انسحب بكل هدوء ..
تكتم : قاطعت كلام رضا وكتله شنو هوه سواله كالي ...جايج بالكلام ...
رضا : تعرفين شسال يكلي اني من خلال زياراتي المتكرره
الكم بهل فتره الاخيره شفت علاقتك ويه تكتم كلش
قويه فكلت احتمال اكو شي بيناتكم وهيه لهل سبب
رافضه ياريت تكلي وتريح اذا جان اكو شي وكتلك وعد
انسحب بكل هدوء وراح يبقى الكلام بينه اترجلك ريح
كلبي ومتخليني هيج لا اني طايل سمه ولا كاع ...كتله كل عقلك اني رايدهه
واخليك تاخذهه مال حاضر شبيك ليث شنو احنه فلم
هندي ابشرك واكلك لا ارتاح ابو الشباب تكتم
اختي ومستحيل افكر بيهه كزوجه بس احنه بحكم رابين
سوه علاقتنه اخويه هيج .... ماحجيلج شون
تنهد براحه وملامحه كلهه رخت .....كمل كلامه وكال
كتله .... بس اني اريدك انت جاوبني على سوالي بكل
صراحه...... كالي....... اسال اليوم
يوم عترافات الصراحه ضحكت وكتله ليث سوال مو
اكثر شنو سبب تمسك امك بتكتم انت لو هيه اترجلك
جاوبني و اذا انت رايدهه اني اوكف وياك واساعدك
واذا امك هيه الي تلح عليك لان بنت اختهه
فاترجاك اترجلك عوفهه لان تكتم متتحمل غربه ولا
تتحمل يوم واحد بلا اهلهه وثق باله تكضيهه تعوي
عليك كلت الكلمه الاخيره هوه ابتسم وكال .....سهله
نتحمل .....كتله اني ارجوك اذا امك تريدهه عوفهه
تشوف حياتهه وتكمل دراستهه وعود قسمتهه لاحكه عليهه ...
تكتم : كتله بصوت ناصي شجاوبك هوه رغم اني مرايده
بس ماعرف كلبي ليش يدك سريع من ينجاب
طاريه ....
رضا : يكول ليش هوه هم اكو رجال ينجبر بهل زمن
كتله لا مو سمعت تريد بنت جاركم وامك تريد تكتم
وهل شي حقك تاخذ الكلبك يهواهه
تكتم ....كتله واني متروسه حيره وهوه صحيح
يريدهه
رضا : والله يا تكتم يحلف يكول اشاعات ناس طلع عليه
يحبون يحجون كل هذا لان امشي ويه ولد فالح
وادخن بس خلي بالك تكتم اني الي رايده اني مو بس امي
تكتم ...كتله يعني شنو هوه صح يشرب جكاير ...كالي
شنو انتي مركزتي باقي كلامي ركزتي بس
بالجكاير .......ضحكت وكتله مو تعرفني ما احب احد يدخن .
رضا : لج بابا الولد هوه الي كاتل نفسه تره مو امه
افتهمي عاد تره مستحيل تلكين أحد شاريج مثله صراحه
ليث ميتعوض ولا راح تلكين مثله تكتم اقبلي ومعليج
بكلام عمي انمار عفته ورحت كعدت يم امي وبيبي
شويه رجعنه للبيت كعدت افكر حايره ودايخه اكثر
كعدت بالغرفه ابجي وادعي يارب دليني على الصح
كتلهه الاسراء والله اني ماريد اتزوج اني كل حلمي اكمل
وهيه تكلي ديلااا يالااا عيني متريد تزوج تالينه كلنه نزوج ولج وين تلكين
مثل هناء تضحك للهوه الطاير ولج مو بعينج صار ٣سنين
تروح وتجي وتقنع بيج هاي لو اني ميت جلاق اضربج لو
حضرت جنابج كمتي تتكبرين علينه واحنه مو من مقامج
تسولف وتضحك واني شايطه كتلهه مو هذا قصدي والله
عفتهه ودرت وجهي اباوع طلعت بالتلفزيون اغنيه
نجوى كرم ..انا مين لو سالوني .. اسمع الكلمات وابجي
مرت الايام واجه يوم العزيمه وراحو كلهم عده اني
وغلام ومجتبى بقينه بالبيت رجعو ثاني يوم وعمي شبه
ضايج عرفت من ملحه خالتي بسالفه الزواج اسراء كالت
هسه باجر تجي تخطب خالتج هناوي ....كتلهه دسكتي
يمعوده ...كالت والله العظيم شبيج جايب كتابه مال
تسريح من العسكريه بعد شيفكج منهه ماكو كل عذر
مرت الايام واني....
بعدني مراده الجواب نجحت الخامس وبدينه دوام صار
سبوع داومت وره مداومو بكم يوم بحيث الدروس
متكومه مدري شوكت لحكو ينطونه كل هل دروس ......
رجعت من المدرسه افتح بدكم القميص قبل
مااطب للبيت هاي عادتي بيتنه بنص البستان مالنه يعني
ماكو أحد ف اول ما اوصل باب البستان الرئيسي ابلش
افتح بدكم مال القميص حتى بسرعه انزع وبدل وتغده
ارجع جوعانه لان اروح بلا اكل للمدرسه رجعت كالعاده
اعرف كل خميس وره صلاة المغرب يجن خالاتي خطابه
ويه خالتي هناء ال ابنه الي مااعرف عنه اي شي لان
بغير محافظه ومصار غير فتره من كمت اشوفه يجن
ويه خالتي هناء حتى بس يقنعون عمامي وجديتي حتى
تأخذ وحده من عدنه لولدهه وخالتي كاتله نفسه علينه
جابتنه بسره وتالي أصرت عليه وهاي 3سنوات هي
رايحه راجعه تخطب طببت للبيت فاتحه دكم القميص
شمرت الفكس مال الكتب على قنفه بالكليدور وطبيت
للغرفه حتى انزع وتفاجى بخالتي هي وامي كاعدات
واني من الصدمه الساني شكل كوه حجيت هلو خالتي
اشو اليوم من وكت كتله بعفويه وابتسامه بريئه ماادري
هاي الابتسامه خالتي اعتبرته رد بالموافقه لابنه خالتي
جانت تتغزل بيه اكثر من ابنه المشايفته غير مرات
معدوده من جنه صغار هيه خلتنه بالهه من امي جابتنه
امي تكول اول مسمعت بيه جبت توم بنات جتي ملهوفه
وكالت ذني لولدي وضلت خالتي مصره على قرارهه
بحيث حبيت إصراره رغم رفض عمامي وبيبي ام ابويه
بس هي ضلت مجلبه اليوم طلبت من امي تبات يمنه
بغرفة البنات حتى تقنعني خالاتي وبيبي جوريه
كالعاده وخالتي هناء نازله بابنه ليث توصفه بطوله الفارعه وغيرته وجماله وتحاول بكل الطرق تخليني اقبل هل مره ...
هناء: لج عيوني انتي والله ليث يخبل طول وسمار كون
شوفي انتي تخطبي مني وروح ابوي غيور ونخوي واخو
خيته والله تعيشين ملكه وياه ايدللج دلال انتي لو
تشوفين من يطلع يصفن بنات بغداد بجماله الف وحده
تتمناه العين الحاجب.. وركبته ..نبع ريحانه شطوله ...
أنا ضحكت على خالتي شون توصف بابنهه وبيبي جوريه كالت.
جوريه : بضحك اي بيبي صدك ركبته من شوفيهه
تتخبلين بطولهه اقصد بجمالهه ادري عفتي الوصف كله
يا هناء
توصفين ركبته خالاتي واني وخواتي كمنه نضحك وهيه
مستمره توصف ليث ودكول هاهيه قبلت مادامهه
ضحكت وخالاتي واختي اسراء كالوله جيبي نيشانج
وتعالي قبل ميغيرون رئيهم وهيه عبالك حلم عدهه
وتحقق من الفرح كامت تهلهل وتكول شرط عليه تكملين مدرستج وادللج دلال ومكيفه وتهوس وخلاتي يضحكن وهيه تكلهم شبيجن ولجن فرحن وياي واني سكتت وتبخرت كل
وعودي لعمي انمار ....اخذت خالتي سوكتي وضحكي
بالموافقة واني هم سكتت اهنا بعد محد يكدر يحجي.
لان الكل واعدهه خالتي من الفرح جانت يمنه يوم
خميس كالت اني الخميس اليجي اجيب الشيخ واجي
خاف تقلبون عليه ثاني يوم راحت امي الاحد طلعت الفراش وكالت نعزل عيب وصدك عزلنه ونضفنه ومرت يومين بيوم الثلاثاء كاعدين كلنه مجمعين على مسرحيه استكانات الرمادي ومنسمع غير صوت كلش قوي اني كلبي كام يوجعني ........؟..
0 تعليق