عشان كده لازم تفكر بهدوء، وتشوف تصرفاتها بعيدًا عن أي مواجهة متسرعة. إنت عشت معاها سنين، وأكيد فيه مواقف كتير تقدر ترجع لها وتفهم منها حاجات ماكنتش واخد بالك منها وقتها.

خفض زيدان رأسه، وظل يعبث بأصابعه في توتر، ثم رفع عينيه فجأة وقال:

- أنا لازم أعرف يا صفوان... لازم أعرف إذا كانت شاهنده اختارتني فعلًا، ولا أنا كنت مجرد وسيلة في خطة أبوها.

هز صفوان رأسه مؤيدًا:

- وهتعرف، بس بالعقل مش بالغضب. ماتخليش صدمة النهارده تخليك تهدم حياتك قبل ما تتأكد من الحقيقة كلها.

أومأ زيدان ببطء، لكنه ظل غارقًا في التفكير، يحاول أن يجد طريقة يختبر بها مشاعر زوجته دون أن يكشف لها أنه سمع اعتراف والدها